《熱血廢人》
　
作曲：雲超／吳慶興
填詞：林若寧
編曲：雲超／吳慶興
監製：金培達 
主唱：Shine（Featuring 苦榮）
收錄大碟：Natural Shine
出版日期：2003-12-30


有隻烏蠅嬲我總好過甩底　廁格不肯收養垃圾站有位
我那知己好友是廢紙爛泥　未認命廢物廢得得體
任我再醜樣內涵亦美麗　亦能推出公仔
任智商偏低但從未虛偽　我勝在無稽

＊熱血的衰仔　轉方法睇我一切就美麗
　大眾每一位 懶得去講究身世
　鬥懶市　夠爛至好睇　甘於做細
（世上有　怪物五億位　一起做勢）＊

看我身軀矮細心中卻多計　性格相當高貴為世人墊底
那個資質聰慧就更多問題　愈笨拙我愈見得生鬼
六百種標準為何用慣例　亂來分出高矮
就任你詆毀賤人沒關係　當你是無稽

＃未似布公仔　會精細得意可愛又瑰麗
　做個正衰仔　廢都廢得最矜貴＃

鬥懶市　夠爛至好睇　甘於做細
RAP：孤兒仔　撞到屋村仔　無奈失戀王　踩正懶泥
鐵罐廢　抑或報紙廢　就算膠袋廢　未夠我廢　
我獻世　定係你獻世　邊個會獻世　去問上帝　
正廢人　廢人都係人　熱血o既廢人　熱血會沸騰 

Repeat ＃＊