《大喊十》森美小儀歌劇團 - 「Big Nose」音樂劇歌曲
　
作曲：何山
填詞：林若寧
主唱：護士／貂鼠人（吳日言／傅穎／Krusty／森美）
推出日期：2006-09-07


護士：你尷尬　要忍笑　套戲有票房要搞笑
　　　笑笑笑　更嬌俏　似個愛美神成日笑
　　　你怪相　要恥笑　去救濟印尼要慘笑
　　　笑笑笑　有鈔票　嫁個富貴人成日笑
　　　我跣你　要奸笑　世界太好戰要苦笑
　　　好事壞事成日笑　就係沒完沒了

貂鼠人：好病　病到亂笑
　　　　好病　越笑越覺渺少

護士：要救市　要識笑　要振作旅遊笑一笑
　　　笑笑笑　拍張照　對每個客人成日笑
　　　喊到笑　太好笑　笑破了肚皮咁好笑
　　　笑笑笑　有需要　最愛兩片唇成日翹
　　　笑笑笑　笑多笑　笑笑笑偷笑再陰笑
　　　生活係為成日笑　為寂寞而大笑

貂鼠人：好病　亂咁大笑
　　　　好病　就快被你笑死　再亂笑係凶兆

護士：悲劇多　喜劇少　笑人著左隻爛襪
　　　搞爛 gag　食下字　笑個雪梨有粒核
　　　災難多　喜事少　世人最鍾意互窒
　　　捉字蚤　扮怪物　你們也許只愛大喊十
　　　哈哈哈　嘻嘻嘻　笑人當左快樂藥
　　　講是非　凸眼核　會夠你們笑一日
　　　一二三　三二一　世人夠鐘要食藥
　　　犀利光　大隻妙　你們要笑乜
　　　悲劇多　喜劇少　笑人著左隻爛襪
　　　搞爛 gag　食下字　笑個雪梨有粒核
　　　災難多　喜事少　世人最鍾意互窒
　　　捉字蚤　扮怪物　我們也許不過大喊十